Lexoni edhe:
Tottenhami e shkarkon Jose Mourinhon, pak ditë para finales kundër Man City
Bayerni dhe Dortmundi dalin kundër Superligës Evropiane
Bayern Munich dhe Borussia Dortmundi kanë këmbëngulur njëzëri se nuk do t’i bashkohen Superligës Evropiane. 12 klube të mëdha evropiane, Real Madrid, Barcelona, Atletico Madrid, Inter, Juventus, Milan, Manchester City, Manchester United, Liverpool, Chelsea, Arsenal dhe Tottenham e formuan të dielën Superligën Evropiane, duke u ndarë nga Liga e Kampionëve. Propozimi i tij është kundërshtuar ashpër nga UEFA dhe federatat, si dhe nga FIFA. Në një komunikatë për media, Dortmundi tha se ai dhe rivali i tij në Bundesligë janë të bashkuar kundër Superligës Evropiane dhe nuk do t’i bashkohen asaj.
Shefi ekzekutiv i Dortmundit, Hans-Joachim Watzke, ka thënë: “Edhe Bayern Munich e ndau mendimin e njëjtë me ne në të gjitha diskutimet”. Dy gjigantët gjermanë duan t’i shohin ndryshimet në formatin e Ligës së Kampionëve dhe jo t’i bashkohen një lige të mbyllur. UEFA vendosi ta rrisë numrin e klubeve pjesëmarrëse në Ligën e Kampionëve nga viti 2024, nga 32 në 36.
(Kosova Sot Online )
