Barcelona e nis sonte epokën post-Messi

Një tjetër ndeshje interesante e kësaj të diele vjen nga LaLiga dhe do të luhet në “Camp Nou” në orën 20:00.

Bëhet fjalë për Barcelona – Real Sociedad, që do të zhvillohet me praninë e tifozëve, por kuptohet jo të Lionel Messit, tashmë pjesë e PSG-së në Ligue 1.

Nis epoka post-Messi në klubin katalan, që vetëm në orët e fundit ka federuar në ekipin e parë edhe Rey Manajn, të cilit i jepet shansi i jetës pasi “blaugranat” kanë nevojë për sulmues pas largimit të “yllit” argjentinas dhe dëmtimit të Agueros.

Më herët, në 17:30, Atletico e Madridit do të nisë fushatën për mbrojtjen e titullit kampion në fushën e Celta Vigos, skuadër të cilën ka mundur të mposhtë vetëm një herë në katër sfidat e fundit në LaLiga.

(Kosova Sot Online)