Sondazhi i UEFA-s: Tifozët besojnë se Kosova mund ta befasojë Spanjën sonte

Kosova dhe Spanja do të përballen me njëra tjetrën sonte në stadiumin “Fadil Vokrri” në Prishtinë në kuadër të kualifikimeve për Kampionatin Botëror.

Në sondazhin që e realizon UEFA për çdo ndeshje të kombëtareve, Kosova nuk qëndron keq.

Sipas votave të tifozëve, në fitoren e Spanjës sonte besojnë 59% e tyre, në fitoren e Kosovës 36%, ndërsa për barazim kanë votuar 5% e tifozëve.

Derisa Kosova i është pothuajse e pashpresë dhe pa gjasa për ta siguruar pjesëmarrjen në një turne të madh për herë të parë në historinë e vet, Spanja është lidere e Grupit B dhe synon të kualifikohet direkt në Katar 2022.

Spanja i ka 10 pikë në vendin e parë, një më shumë se Suedia në vendin e dytë, por i ka zhvilluar dy ndeshje më shumë se kjo e fundit. Prandaj, vendi i parë në grup nuk është i sigurt për furinë e kuqe.

Kosova, nga ana e saj, renditet e treta me vetëm katër pikë, pothuajse pa shpresa për kualifikim. Vendi i parë shkon direkt në Katar 2022, ndërsa vendi i dytë luan në play-off.

(Kosova Sot Online)