Lexoni edhe:
Merkel nis takimin me kryeministrat e gjashtë vendeve të Ballkanit Perëndimor
Interi e do Gosens e Atalantës
Interi synon ta blejë anësorin e Atalantës Robin Gosens, me të cilin dëshiron ta zëvendësojë Ivan Perisicin.
Marrëveshja e anësorit kroat Perisic me Interin mbaron në verën e vitit 2022 dhe nuk ka asnjë sinjal se palët pajtohen për vazhdimin e bashkëpunimit.
Por zikaltrit janë duke planifikuar tashmë për verën e ardhshme dhe prioritet i tyre për këtë pozitë në fushë është gjermani Gosens.
Gosens ka shkëlqyer për Atalantën në Serie A dhe Ligën e Kampionëve sezonin e fundit, si dhe ka zënë vend në Kombëtaren e Gjermanisë.
Interi është duke e përcjellë atë tash e një kohë dhe, megjithëse nuk do të jetë një pistë e lehtë, kampioni italian është optimist duke e ditur se Atalanta është e hapur për ta shitur 27-vjeçarin.
(Kosova Sot Online )
