Italia e mposht Belgjikën për ta fituar vendin e tretë në Ligën e Kombeve

Italia e ka zënë vendin e tretë në edicionin e dytë të Ligës së Kombeve, pasi e mposhti Belgjikën 2:1 të dielën në ndeshjet vendimtare për këtë pozitë.

Nicolo Barella dhe Domenico Berardi shënuan nga një herë herët në pjesën e dytë në Torino për t’ia fituar vendin e tretë kampiones së Evropës, me golin e Charles de Ketelaere që i shërbeu vetëm për ngushëllim belgëve.

Belgjika luajti pa dy lojtarët kryesorë, Romelu Lukakun dhe Eden Hazard, të cilët kishin lodhje muskulore, ndërkohë Kevin De Bruyne u fut në lojë nga stoli në pjesën e dytë.

Por as Roberto Mancini nuk luajti më formacionin e tij titullar, duke i bërë disa ndryshime të mëdha në ekip për këtë takim.

(Kosova Sot Online)