Messi në qiellin e 7-të

  • A.P /
  • 29 nëntor 2021 - 21:59
Messi në qiellin e 7-të

2009, 2010, 2011, 2012, 2015, 2019 dhe 2021 janë vitet që Lionel Messi ka fituar topin e artë.

Sot, në ceremoninë e zhvilluar në Paris, Messi fitoi për herë të shtatë Topin e Artë.

Messi e frymëzoi Argjentinën drejt fitimit të Kupës së Amerikës 2021 në verë, ku kontribuoi me katër gola dhe pesë asiste, duke u zgjedhur lojtari më i mirë dhe golashënuesi më i mirë i turneut.

Ai u zgjodh edhe golashënuesi më i mirë në La Liga dhe e fitoi Kupën e Mbretit me Barcelonën sezonin e kaluar.

Robert Lewandowski mbeti i dyti, kurse Jorginho i treti.

Në renditje, tani Messi prin me shtatë Topa të Artë kundrejt pesë të Cristiano Ronaldos.

(Kosova Sot Online)