Salah e barazoi rekordin e Vardyt

Ylli egjiptian i Liverpoolit i ka bërë 15 ndeshje radhazi duke shënuar gol ose duke asistuar

Mohamed Salah po kalon nëpër një formë të jashtëzakonshme.

Ylli egjiptian ishte edhe mbrëmë protagonist i Liverpoolit në fitoren ndaj Newcastlet.

29 vjeçari arriti të shënojë për “Reds”.

Ky gol ia mundësoi atij që ta barazojë rekordin e Jamie Vardyt në Premierligë.

Salah në fakt ka shënuar gol ose ka dhuruar asistime në 15 ndeshje radhazi, shkruan “Gazeta Express”.

Një gjë të tillë e kishte bërë më parë edhe sulmuesi i Leicester Cityt.

Salah i ka regjistruar 22 gola deri tash këtë sezon në të gjitha garat.

Ai ka qenë i përfshirë në 24 gola në Premierligë këtë edicion, prej tyre 15 gola e 9 asistime.

Salah është vetëm një gol ose asist larg Alan Shearerit, i cili para Krishtlindjeve e kishte arritur kuotën 25.

Pra, egjiptiani e ka mundësinë ta barazojë ose edhe kalojë rekordin e legjendës angleze.

(Kosova Sot Online)