Makina e parë e Maradonës del në shitje në ankand

Gjithçka lidhet me një legjendë si Diego Armando Maradona tërheq shumë vëmendje. Ashtu është rasti më i fundit teksa në media ka bërë bujë lajmi se ka dalë në shitje makina e parë që ka përdorur argjentinasi.

Nuk bëhet fjalë për një Mercedes apo Ferrari, makina luksoze të cilat përdoren nga futbollistët e sotëm, por për një makinë klasike si Fiati 128.

Lexoni edhe:

Behgjet Pacolli agjent i UDB-së në vrasjen e patriotëve Kadri Zeka, Jusuf e Bardhosh Gërvalla - Dëshmitarët e kohës të intervistohen nga Prokuroria Speciale dhe hetohen nga AKI-ja!

Kjo makinë i është dhuruar Maradonës në vitin e largët 1982, teksa u bë zyrtar kalimi i tij nga Boca Juniors në Evropë, te skuadra e Barcelonës.

Në fakt, gjatë karrierës së tij Maradona ka pasur shumë makina të tjera luksoze dhe Fiati i kishte humbur gjurmët derisa në vitin 2003 është gjetur në një fshat të Argjentinës nga një koleksionist, i cili është edhe pronari aktual i Fiatit.

Për makinën tashmë të bërë të famshme, është hapur një ankand i cili përfundon në datën 15 shkurt të vitit 2022, teksa çmimi fillestar në këtë ankand nis nga 355.000 euro dhe deri në fund shifra pritet të arrijë në miliona euro.

Kjo sepse bëhet fjalë për një makinë klasike dhe për më tepër që Fiat 128 ka pasur dikur për pronar një legjendë botërore si Maradona.

(Kosova Sot Online )