Lexoni edhe:
Celina në fokus, shijojeni magjinë e yllit kosovar të Ipswichin
Karim Benzema, njeriu i rekordeve
Sulmuesi francez u bë golashënuesi i tretë më i mirë në histori të Real Madridit, po shkon me hapa të sigurt drejt thyerjes së rekordeve me “Los Blancos”. Karim Benzema e ndihmoi Real Madridin të shkojë në çerekfinale të Ligës së Kampionëve. Sulmuesi francez realizoi hat-trick ndaj Paris Saint-Germainit. Dhe, tash është koha për t’i bërë llogaritë pas formës së jashtëzakonshme që po e kalon ai. Benzema arriti në kuotën e 30 golave dhe 12 asisteve këtë sezon.
Kështu, ai bëhet lojtari i dytë në ligat më të forta të futbollit evropian që është përfshirë në 40 a më shumë gola këtë sezon, pas Robert Lewandowskit. Francezi me këtë rast arriti në kuotën e 309 golave në fanellën e Realit në të gjitha garat. Ai bëhet golashënuesi i tretë më i mirë në histori të klubit pas Cristiano Ronaldos, që i ka 450 gola dhe Raulit, 323. Benzema e kaloi legjendarin Alfredo Di Stefano, që i kishte shënuar 308 gola. Kjo është hera e katërt që Benzema i shënon 30 apo më shumë gola brenda një sezoni tek Reali.
Celina në fokus, shijojeni magjinë e yllit kosovar të Ipswichin
Lexoni edhe:
Ish-futbollisti i Lyonit u bë edhe lojtari më i vjetër në histori të Championsit që shënon hat-trick me 34 vjet e 80 ditë. Ndër të tjera, ai bëhet edhe lojtari i parë që shënon gola në 18 sezone radhazi në Ligën e Kampionëve. Benzema shkoi në kuotën e 79 golave në Champions, prej tyre 67 me Realin dhe kështu e kaloi Raulin, që i kishte shënuar 66.
(Kosova Sot Online )
