Malisheva fiton minimalisht ndaj Ulpianës

Malisheva ka shënuar fitore të rëndësishme në garën për mbijetesë në Superligën e Kosovës.

Në ndeshjen e vlefshme për javën e 29-të, skuadra e drejtuar nga Arsim Thaqi mposhti Ulpianën.

Ndeshja e zhvilluar sot në stadiumin “Liman Gegaj” ka përfunduar me rezultatin 1:0.

Golin e vetëm dhe të fitores për vendasit e shënoi Ronald Sobowale në minutën e 18-të.

Malisheva tani renditet e gjashta me 37 pikë, kurse Ulpiana është e parafundit me 24 pikë. 

(Kosova Sot Online)