Loriana e mëson kundërshtaren në finalen e Lojërave Mesdhetare
Loriana Kuka është kualifikuar në finale të Lojërave Mesdhetare. Xhudistja kosovare e mposhti në gjysmëfinale garuesen kroate, Petrunjela Pavic me ippon në një meç të stërzgjatur.
Kështu, Loriana e siguroi medaljen e argjendtë, të gjashtën për Kosovën në këto Lojëra, ndërsa e pesta vetëm në sportin e xhudos
Ndërkohë, Loriana Kuka ka mësuar edhe kundërshtaren e saj në finalen e kategorisë deri në 78 kilogramë.
Kuka do të përballet me xhudisten nga Franca, Chloe Buttigieg.
Paraprakisht, Loriana e kishte kaluar rrethin e parë pa luftë, ndërsa në atë të dytë e kishte mundur turken Nurcan Yilmaz për të shkuar direkt në gjysmëfinale.
Në anën tjetër, xhudisti Shpat Zekaj nuk arriti të fitojë medalje sot
(Kosova Sot Online)