Igli Tare “kapet” me presidentin e Lazios, Claudio Lotito

Igli Tare i ka prishur përfundimisht punët me presidentin e Lazios, Claudio Lotito.

Të dy janë parë duke u fjalosur teksa po i prezantonin fanellat e reja të sezonit të ardhshëm të ekipit italian.

Drejtori sportiv dhe presidenti diskutuan në mes vete me tone të larta.

Këtë e kanë bërë të ditur mediat italiane

Madje, edhe një fotografi e postuar në rrjetet sociale e shfaq dyshen afër njëri-tjetrit duke diskutuar me tone të ashpra.

Madje, krisja në mes të Tares dhe Lotitos ndodhi përpara një numri të tifozëve, që ishin prezentë në prezantimin e fanellave të reja.

Nuk dihen ende arsyet e përplasjes.

Tare është duke e kaluar fundin e kontratës me klubin italian dhe ai po e mendon dorëheqjen pasi i prishi marrëdhëniet me presidentin Lotito. 

(Kosova Sot Online)