Lexoni edhe:
A2 raporton se është planifikuar vrasja e Albin Kurtit, publikon edhe emrin e atentatorit
Interi synon ta mbajë edhe një vit Lukakun
Interi nuk e ka ndërmend të heq dorë nga Romelu Lukaku. Klubi italian e riktheu këtë verë sulmuesin belg, të cilin ia kishte shitur një vit më parë Chelseat.
“Nerazzurri” e morën ish-futbollistin e Evertonit dhe të Manchester Unitedit në formë huazimi nga “Blues”, ku nuk e tregoi veten sa duhet në eksperiencën e tij të tretë.
Sipas mediumit italian “La Gazzetta dello Sport”, nënkampioni italian i ka nisur bisedimet me Chelsean që t’ia zgjasë huazimin përfaqësuesit belg, përcjell.
Interi është i gatshëm t’i paguajë 8 milionë euro në mënyre që ta mbajë gjigantin e sulmit në ekip edhe për sezonin 2023/24.
Mbetet të shihet nëse klubi nga “Stamford Bridge” do ta pranojë këtë ofertë apo do ta kërkojë një klub që do ta blejë përfundimisht kartonin e sulmuesit të rrezikshëm.
Lukaku e kishte një eksperiencë të shkëlqyeshme dyvjeçare me Zikaltrit, me të cilët ishte shpallur edhe kampion i Italisë.
Për momentin ai është i lënduar dhe kjo është vërejtur edhe në rezultatet e zbehta të “Nerazzurri”.
(Kosova Sot Online )
