Tabela e Superligës pas ndeshjes së sotme
Drita e ka ruajtur pamposhtmërinë duke u treguar ekipi më stabil i këtij sezoni në AlbiMall Superligën e futbollit.
Gjilanasit e mposhtën sot Trepçën ’89 me rezultat 3:1 në shtëpi për t’u shkëputur në krye të tabelës.
Me këtë rast, pas 10 ndeshjesh të zhvilluara në edicionin 2022/23, “Intelektualët” u ngritën në kuotën e 24 pikëve, duke i regjistruar 7 fitore dhe 3 barazime.
Ata u shkëputën në 6 pikë nga përcjellësi kryesor, Ballkani, i cili megjithatë i ka tri ndeshje më pak të zhvilluara shkaku i angazhimeve që i ka në garat evropiane.
Nga ana tjetër, Trepça ’89 mbeti në vendin e gjashtë në tabelë me 9 pikë, prej tyre 2 fitore, 3 barazim e 3 humbje.
Sonte do të luajnë Prishtina me Dukagjinin dhe mund të ketë prapë ndryshime në tabelë.
Kurse, nesër do të luhen tri ndeshjet tjera të ligës elitare.
(Kosova Sot Online )
