Bayerni identifikon tre emra për ta zëvendësuar Tuchelin

Bayern Munich ka nisur nga puna për sezonin e ri, teksa çështja kryesore mbetet pasuesi i Tuchel.

Pas refuzimit nga Rangnick, së fundmi, mediet gjermane kanë raportuar një lajm tepër interesant, me Bayern Munich që momentalisht po studion tri profile dhe mes tyre është edhe Lopetegui.

Ky i fundit po përflitet shumë për të marrë drejtimin e Milan-it edhe pse tifozët nuk e duan, por tashmë gjërat marrin një rrjedhë krejt tjetër, me spanjollin që shihet si një kanditaturë edhe për bavarezët.

Rekordmenët e futbollit gjerman gjithashtu po shqyrtojnë profilet e Roger Schmidt dhe Erik Ten Hag.

Holandezi nuk ka kaluar një sezon të lehtë me Manchester United, por një rikthim te Bayern do të ishte i mirëpritur (ka punuar te skuadra e dytë në sezonet 2013-2015).

Roger Schmidt aktualisht trajner i Benfica-s gjithashtu është një emër që tërheq, pasi 57-vjeçari ka pranuar shpesh se shumë shpejt do të rikthehet në Gjermani dhe Munich-u do të ishte, pse jo vendi ideal.

Sa i përket De Zerbi-t, zërat për të janë zbehur, pasi italiani ka shprehur dëshirën për të vijuar punën te Brighton, teksa për të interesohet edhe Milan.

(Kosova Sot Online)