Iniesta: Barça – Inter vendimtare, ndeshjet me ‘Nerazzurri’ gjithmonë të vështira dhe emocionuese

Andres Iniesta e ka dhënë një intervistë të gjatë për mediumin italian “La Gazzetta dello Sport”, për të cilin ka folur mbi të gjitha për përballjen e kësaj mesjave ndërmjet Barcelonës dhe Interit, e vlefshme për xhiron e katërt të fazës së grupeve të Ligës së Kampionëve.

“Nerazzurri” e fituan duelin e parë javën e kaluar dhe tash “Blaugrana” kanë nevojë më shumë se kurrë për fitore, nëse duan të mbesin në garë për të kaluar në të tetën e finales së kësaj gare

“Në lojën e parë ishte një rezultat i keq për Barçën, për vazhdimësinë e kësaj gare. Ndeshjet kundër Interit janë gjithmonë emocionuese dhe të vështira”, deklaroi fillimisht ish-futbollisti i gjigantit katalunas.

“Tash është vendimtare dhe mjaft e rëndësishme që Barça të fitojë, për të mbetur “gjallë” në këtë garë. Është një ndeshje vendimtare. Interi e ka një skuadër të madhe dhe do të jetë e vështirë. Shpresoj që Barcelona ta marrë iniciativën. Interit do t’i përshtatej dhe do t’i shkonte mirë edhe një barazim. Championsi është një garë e bazuar në detaje: nëse gabon, e paguan”, shtoi tutje mesfushori legjendar spanjoll.

Aktualisht, Interi i ka 6 pikë në grup dhe është i dyti, kurse Barça e treta me 3 pikë nga 3 ndeshje. 

(Kosova Sot Online)