Lexoni edhe:
Zgjedhja e kryeprokurorit të shtetit të ndahet nga grupet mafioze të interesit, ta vendosin Qeveria dhe Presidenca
Muriqi në histori të Mallorcas, e barazon rekordin e Eto’os
Vedat Muriqi po lë gjurmë në fanellën e Mallorcas. Futbollisti kosovar i ka mahnitur të gjithë në këtë fillim-sezoni me klubin ishullor spanjoll. 28 vjeçari i dha fund eksperiencës dëshpëruese në Lazio dhe më pas i dështoi transferimi në Club Brugge. Por, kjo i doli më mirë përfaqësuesit kosovar, i cili ka shpërthyer këtë vit në Spanjë.
Fillimisht, i realizoi 5 gola dhe i bëri 3 asistime në gjysmë-sezonin e kaluar, duke e ndihmuar Mallorcan të shpëtojë pa rënë nga liga.
E atë rrugë e vazhdoi edhe në edicionin 2022/23. “Pirati” madje ka hyrë në histori të Mallorcas. Ish-futbollisti i Rizesporit dhe Fenerbahçes e ka barazuar një rekord të rëndësishëm të klubit, duke i realizuar 6 nga 10 golat e Mallorcas në 12 xhirot e para, më saktësisht 60 për qind të golave të ekipit.
Sipas “Copa”, kjo arritje e futbollistit kosovar bëhet njëra prej katër statistikave më të mirë në shekullin 12 të skuadrës spanjolle, duke e barazuar kështu rekordin që e mbajnë lojtarët si Eto’o, Pandiani e Güiza Hamed.
(Kosova Sot Online )
