Edhe pse me vështirësi PSG fiton ndaj Lorientit

Paris Saint-Germain e ka shënuar edhe fitoren e radhës në Ligue 1.

Kampioni francez e mposhti në udhëtim Lorientin me rezultat të ngushtë 1:2 në javën e 14-të.

Ishte Neymar i cili realizoi në minutën e nëntë të ndeshjes, pas asistimit të Ekitike.

Rezultati u barazua në minutën e 53-të kur realizoi Moffi.

Por, tri pikët mysafirëve ia siguroi Danilo Pereira që realizoi në minutën e 81-të, pas asistimit të Neymar.

PSG në këtë ndeshje ishte pa Messin e lënduar.

Me këtë fitore, tani PSG shkon në kuotën e 38 pikëve në vendin e parë, gjashtë më shumë se Lens që ka pozitën e dytë.

Lorient në anën tjetër mbetet i katërti me 27 pikë gjithsej.

(Kosova Sot Online)