Koreja Jugut mposht Portugalinë

Ka përfunduar ndeshjet në mes Kores së Jugut – Portugalisë dhe Ganës – Uruguait.

Koreja mposhti 2:1 Portugalinë dhe siguroi biletën për fazën tjetër, teksa Uruguai fitoi 2:0 ndaj Ganës, por nuk i mjaftoi për kualifikim.

Koreanët arritën me përmbysje të fitojnë ndaj Portugalisë dhe kaluan tutje falë gol diferencës ndaj uruguaianëve.

Ishte Ricardo Horta që realizoi dhe i dha fillimisht epërsinë të përzgjedhurve të Fernando Santos.

Por, Koreja arritën të barazojnë shifrat.

Në minutën e 27` ishte Young-Gown që shënoi dhe çoi rezultatin në 1:1.

Edhe në 45 minutat e tjerë iniciativën për gol më shumë e kishin sërish portugezët, megjithatë nuk ishin konkret me raste.

Kurse ishin koreanët që arritën të përmbysin gjithçka.

Po rridhte minuta shtesë, kur pas një kundërsulmi shënoi Hee-chan.

Më këtë fitore Koreja e Jugut shkon tutje nga pozita e dytë, Portugalia në vendin e parë.

Uruguai përkundër fitores 2:0 u eliminua nga Botërori, pas triumfit të Kores së Jugut dhe gol diferencës në mes dy kombëtareve.

Ganezët kishin mundësinë të kalojnë në epërsi, pasi u akordua penallti për ata.

Në minutën e 21` ishte Ayew që nuk u tregua i saktë nga pika e bardhë.

Por, uruguaianët arritën të realizojnë dy herë brenda pak minutash.

Në të 26` dhe 32` ishte de Arrascaeta që realizoi të dy golat.

Më pas ata kërkonin golin e tretë, por nuk e arritën.

Pjesa e parë u mbyll 2:0 në favor të Uruguait.

Në 45 minutat e tjerë, ishin pikërisht ata që kërkonin të shënojnë edhe golin e tretë, por nuk u treguan të saktë.

Federico Valverde, Darwin Nunez dhe Luis Suarez kishin mundësi të mira shënimi, por jo edhe gola.

Kështu Uruguai përshëndetet nga Botërori së bashku me Ganën.

(Kosova Sot Online)