Lexoni edhe:
Raporti i KE me analizë shqetësuese: 57% e kosovarëve nuk e mbyllin dot muajin me të ardhurat
Vdes pronari i klubit të Premierligës
Ka ndërruar jetë në moshën 86 vjeçare pronari i West Ham Unitedit, David Gold, shkruan "Kosova Sot Online ".
Lajmin e ka bërë të ditur klubi anglez përmes uebfaqes së vetë zyrtare.
Gold ndërroi jetë në mëngjesin e së mërkurës derisa ishte me partneren e tij, Lesley dhe me vajzat e tij, Jacquline e Vanessa, shkruan “Kosova Sot Online".
“Me dhimbje të thellë, West Ham United FC njofton së bashkë-pronari, David Gold ka ndërruar jetë pas një sëmundjeje të shkurtër”, ka njoftuar klubi i Premierligës për presidentin me prejardhje hebraike.
I mërzitur me vdekjen e Gold ishte bashkëpronari i tij, David Sullivan, i cili theksoi se vdekja e kolegut dhe mikut të tij ia ka thyer zemrën.
“David e kishte një lidhje të gjatë me Hammers. Ai gjithmonë ia donte më të mirën West Hamit. Vdekja e tij është një humbje e madhe për të gjithë ne. Të mirat dhe të këqijat, që nga janari i vitit 2010, i kemi kaluar së bashku”, u shpreh Sullivan
(Kosova Sot Online )
