Laporte dëshiron t’i bashkohet Barcelonës
Aymeric Laporte duket se po e kalon sezonin e fundit te Manchester City.
Mbrojtësi spanjoll thuhet se është i pakënaqur me hapësirën te “Qytetarët” dhe mendon se kohës së tij në Angli po i vije fundi
Sipas “Relevo”, Laporte dëshiron t’i bashkohet Barcelonës në afatin kalimtar të verës.
Madje, 28-vjeçari besohet se është i gatshëm të ulë pagën e tij për t’iu bashkuar Barçës, klubit që po përballet me probleme financiare.
Muajin e kaluar ishte raportuar se kanë nisur bisedimet mes palëve për një transferim të mundshëm në “Camp Nou” të ish-mbrojtësit të Athletic Bilbaos.
Laporte me kampionin në fuqi anglez ka kontratë të vlefshme deri në verën e vitit 2025.
Deri më tani në këtë sezon, ai ka regjistruar vetëm 19 paraqitje në të gjitha garat apo 1513 minuta në total.
(Kosova Sot Online)
