Distria mposhtet në gjysmëfinale të Botërorit

Distria Krasniqi është ndalur në gjysmëfinale të Kampionatit Botëror të xhudos.

Garuesja kosovare u mposht nga japonezja Uta Abe në gjysmëfinale të kategorisë deri në 52 kilogramë.

Disi u tregua e pafuqishme përballë kampiones olimpike dhe njërës prej favoriteve për t’u shpallur kampione e botës

Sidoqoftë, këtu nuk merr fund eksperienca e kampiones olimpike kosovare pasi ajo do ta kërkojë medaljen e bronztë përmes repesazhit.

Aty, “Disi” do të ketë punë me francezen Amandine Buchard.

Paraprakisht, Krasniqi e kaloi rrethin e parë pa luftë, kurse në atë të dytë e mundi gjermanen Mascha Ballhaus.

Tutje, në të tretën Distria ishte më e mirë se belgia Amber Ryheul, ndërsa në çerekfinale e eliminoi koreanen Seyun Jang.

(Kosova Sot Online)