Xhaka në mesin e kandidatëve për t’u zgjedhur lojtari i vitit tek Arsenali
Granit Xhaka është duke e kaluar njërin prej sezoneve më të mira në karrierë.
Ylli kosovar është bërë njëri prej lojtarëve më të rëndësishëm të trajnerit Mikel Artetës, i cili deri para pak xhirosh ishte lider dhe favorit për ta fituar titullin e kampionit të Anglisë, i cili në fund i takoi megjithatë Manchester Cityt.
Sidoqoftë, rënia e “Gunners” në dy muajt e fundit nuk nënkupton se disa prej lojtarëve nuk e kishin një sezon fantastik.
Njëri prej tyre është edhe përfaqësuesi zviceran, i cili kontribuoi si në fazën defanzive, ashtu edhe në atë ofanzive.
Dhe, tash derisa po mbyllet perdja e sezonit 2022/23, është koha për t’i bërë llogaritë.
Eksperti i “Football London”, Kaya Kaynak i ka zgjedhur katër lojtarët më të mirë të “Topçinjve” në këtë edicion, e më pas njëri prej tyre do të zgjidhet më i miri i vitit, varësisht prej votave të tifozëve.
(Kosova Sot Online)