Messi e thyen një tjetër rekord

Lionel Messi e ka rigjetur lumturinë në Shtetet e Bashkuara të Amerikës.

Argjentinasi po vazhdon të dhurojë spektakël në çdo ndeshje.

Në çerekfinalen e Kupës së Ligës, Inter Miami triumfoi 4:0 ndaj Charlotte, duke e siguruar kështu fazën gjysmëfinale.

E Leo Messi kontribuoi me një gol dhe shumë pasime kyçe.

Shtatë herë fituesi i Topit të Artë realizoi golin e katërt, duke shënuar kështu në pesë ndeshjet që ka luajtur me Inter Miamin.

“Pleshti” ka vendosur rekordin e radhës në karrierën e tij brilante, duke u kthyer në futbollistin e parë që shënon 8 gola në 5 takimet e para me një ekip të ri.

(Kosova Sot Online)