Rodrygo në vend të Salahut
Liverpooli është vënë në kërkim të zëvendësuesit të Mohamed Salah, i cili me gjasë është duke e kaluar sezonin e fundit në “Anfield Road”.
Mediumi spanjoll “Fichajes” shkruan se “Reds” e kanë veçuar futbollistin e Real Madridit, Rodrygo si pasardhës të sulmuesit egjiptian.
Por, “Los Blancos” duket se nuk do të heqin dorë nga ylli i tyre i ri për një shumë më të ulët se 100 milionë euro.
Mbetet të shihet nëse “Të Kuqtë” do të jenë në gjendje ta paguajnë këtë shifër në verën e vitit të ardhshëm.
Salah, nga ana e tij, mund ta vazhdojë karrierën në Arabinë Saudite, atje ku ka ofertë nga disa klube.
(Kosova Sot Online)