'Dardanët' mbërrijnë në Andorrë
Kombëtarja e Kosovës ka mbërri në Andorrë, ku nesër mbrëma do të përballet me Kombëtaren vendëse në kualifikimet e Euro 2024.
“Dardanët” u nisën për në Andorrë në orët e hershme të mëngjesit, ndërsa Federata e Futbollit të Kosovës e publikoi edhe videon e mbërritjes së kontingjentit të ekipit kosovar.
Vedat Muriqi me shokë do ta zhvillojë sot në Andorrë seancën e fundit stërvitore para lojës së nesërme.
Të dy Kombëtaret janë në kërkim të fitores së parë në këto eliminatore.
Kosova i ka 4 pikë, prej tyre 4 barazime e 2 humbje, kurse Andorra i ka 2 pikë, me 2 barazime e 4 humbje.
Ndeshja mes Andorrës dhe Kosovës do të luhet nesër mbrëma duke filluar nga ora 20:45.
Ndërkohë, sipas të gjitha gjasave loja mes Kosovës dhe Izraelit, e paraparë për këtë të diel në stadiumin “Fadil Vokrri” në Prishtinë, do të shtyhet për shkak të luftës që nisi mes Izraelit dhe organizatës palestineze, Hamas.
(Kosova Sot Online)