Rivali i Barcelonës në bisedime me Alonson

Pritet shumë që Marcos Alonso të largohet nga Barcelona verën e ardhshme pasi kontrata e tij të përfundojë.

Mbrojtësi veteran kaloi në “Camp Nou” nga Chelsea vitin e kaluar, por nuk llogaritet të jetë në planet e klubit.

Me trajnerin Xavi Hernandez që nuk llogarit më te spanjolli aq shumë sa sezonin e kaluar, kjo do të thotë se Barcelona nuk pritet t’i ofrojë atij një zgjatje të kontratës, gjë që i lejon atij të gjejë një klub të ri vitin e ardhshëm.

Alonso është vendosur mirë në Spanjë që kur u kthye nga Anglia verën e kaluar dhe mund të mbetet sërish në këtë vend.

“FootballTransfers” ka raportuar se Atletico Madrid është i interesuar për të nënshkruar me 32-vjeçarin për sezonin e ardhshëm dhe bisedimet tashmë janë duke u zhvilluar për një marrëveshje të mundshme.

Alonso do të përshtatej shumë mirë me sistemin 5-3-2 të Diego Simeones si një qendërmbrojtës i krahut të majtë.

Për momentin, thuhet se asgjë nuk është e avancuar në asnjërën prej palëve. 

(Kosova Sot Online)