Scaloni po e mendon dorëheqjen nga posti i trajnerit

Trajneri i Argjentinës, Lionel Scaloni, thotë se po mendon të dorëhiqet pas pesë vitesh në këtë rol.

Scaloni bëri njoftimin surprizë pas fitores 1-0 të Argjentinës në kualifikueset e Kupës së Botës ndaj Brazilit në Rio de Zhaneiro të martën.

45-vjeçari gjithashtu udhëhoqi Argjentinën në Kupën e Amerikës në 2021 para triumfit të Kupës së Botës në Katar vitin e kaluar.

“Argjentina ka nevojë për një trajner që ka të gjithë energjinë e mundshme dhe që është mirë”, tha Scaloni.

“Më duhet ta ndal topin dhe të filloj të mendoj, kam shumë gjëra për të menduar gjatë kësaj kohe. Nuk është lamtumirë apo asgjë, por duhet të mendoj sepse është e komplikuar të vazhdosh dhe është e komplikuar të vazhdosh të fitosh. Këta djem po e bëjnë të vështirë, kështu që unë duhet të mendoj për këtë për një kohë. Do të flas me presidentin e FA dhe lojtarët më pas”, përfundoi trajneri argjentinas.

Scaloni pasoi Jorge Sampaolin si trajner i Argjentinës në gusht 2018 pas një periudhe të shkurtër në krye të ekipit U20.

(Kosova Sot Online)