Lexoni edhe:
Drita ka mbetur pa trajner, flet presidenti Valon Murseli
Kompletohet xhiroja e 15-të, kjo është pamja e re e tabelës së Superligës
Sot është kompletuar xhiroja e 15-të e Superligës së Kosovës në futboll. Dukagjini e mposhti Fushë Kosovën me rezultat të pastër për ta “gozhduar” mesin e tabelës, ndërsa “Pampurave” iu prishën edhe më shumë punët derisa e shohin veten në vendin e parafundit në tabelë, transmeton "Kosova Sot Online".
Ndërkohë, në këtë xhiro, tri ndeshje të së cilës u shtynë shkaku i borës që ra në vendin tonë në fundjavën që shkoi, Ballkani e mposhti Malishevën në udhëtim dhe e ruajti distancën ndaj ndjekësve.
Madje, therandasit u shkëputën ndaj njërit prej rivalëve për titull, Dritës, e cila u mund nga Prishtina në derbin e kësaj xhiroje dje.
Kurse, Llapi “po mbahet” ende pasi e mundi Gjilanin 2:0 dhe e sheh veten 7 pikë prapa liderit nga Suhareka, i cili megjithatë i ka dy ndeshje më pak të zhvilluara. Kështu duket tabela e Superligës pas ndeshjes së sotme që u zhvillua në Lipjan.
(Kosova Sot Online )
