Pas Myto Uzunit një tjetër futbollist do t’i mungoj Kombëtares së Shqipërisë

Pas Myto Uzunit, një tjetër futbollist do t’i mungoj Kombëtares së Shqipërisë për dy ndeshjet miqësore të këtij muaji.

I radhës është portieri Etrit Berisha, i cili nuk do të jetë në dispozicion të trajnerit për sfidën ndaj Kilit.

Berisha ka pësuar një tërheqje të muskulit të gjoksit dhe po mbahet në monitorim nga stafi mjekësor i ekipit kombëtar.

Trajneri Silvinjo ka vendosur të thërrasë në ekip portierin e ekipit të Egnatias, Alen Sherri.

Pjesa tjetër e skuadrës gëzon shëndet të plotë dhe është në formë të mirë fizike.

Kombëtarja shqiptare do të udhëtojë paraditen e nesërme drejt Parmas në Itali, ku pasdite do të zhvillojë edhe seancën e fundit stërvitore në kuadër të ndeshjes me Kilin, që do të luhet në stadiumin “Ennio Tardini”, Parma më 22 mars, duke nisur nga ora 20:45.

(Kosova Sot Online)