Barça njofton për lëndimin e yllit të skuadrës

Fermin Lopez është lënduar dhe pritet t’i mungojë Barcelonës së paku në tri javët e ardhshme.

Kështu kanë njoftuar katalonasit përmes një postimi në rrjetin social X (ish Twitter).

“Fermin ka probleme me hamstringun e majtë dhe pas testeve të bëra sot dhe do të mungojë rreth tri javë”, shkruhet ndër të tjera në njoftimin e Barcelonës.

21-vjeçari këtë sezon i ka zhvilluar tre ndeshje me “Blaugrana”, pa arritur të shënojë apo asistojë.

Lojtari i Barcelonës ka qenë i përfshirë edhe në Lojërat Olimpike me kombëtaren e Spanjës aty ku arriti të shënojë gjashtë gola dhe të dhurojë dy asistime, për t’u kurorëzuar në fund me medaljen e artë. 

(Kosova Sot Online)