Trent Alexander-Arnold po përballet me një sezon të vështirë

Trent Alexander-Arnold po përballet me një sezon të vështirë te Real Madrid, pasi ka luajtur vetëm dy ndeshje si titullar në LaLiga dhe një në Champions League për shkak të dëmtimeve dhe konkurrencës për vendin e mbrojtësit të djathtë.

Mbrojtësi anglez, i cili u largua nga Liverpooli verën e kaluar, po përpiqet të përshtatet në një ambient krejt të ri, me gjuhë, kulturë dhe trajner të ndryshëm.

Edhe mesfushori Federico Valverde ka marrë vendin e tij në hierarki, duke e lënë Alexander-Arnold jashtë disa ndeshjeve të rëndësishme.

Megjithatë, gazetari i besueshëm Fabrizio Romano ka bërë të ditur se drejtuesit e Real Madrid nuk shqetësohen. “Real Madrid ruan besimin te Trent për të tashmen dhe të ardhmen. Nuk ka panik apo alarm. Ai po përshtatet, por klubi është i bindur për cilësinë dhe aftësitë e tij,” tha Romano.

Klubi spanjoll mbetet i sigurt se Alexander-Arnold do të bëjë diferencën në sezonet e ardhshme, pavarësisht fillimit të ngadaltë.

(Kosova Sot Online)