Lexoni edhe:
Sundimi i ligjit, njollë e zezë edhe për vitin 2020 në shtetin e ri të Kosovës, BE-ja bllokon liberalizimin e vizave
Në internet është publikuar një video ku një qen shihet duke e nxjerrë nga pishina një qen tjetër të verbër.
Ngjarja ka ndodhur para disa ditëve në pishinën private të një shtëpie në Argjentinë, shkruan Daily Mail.
Në kamerat e sigurisë vërehet se si qeni i verbër i racës pit bull ecën afër pishinës dhe më pas bie aksidentalisht në të. Qeni noton nëpër pishinë, por nuk ia arrin të dalë, sepse niveli i ujit është më poshtë se rrethoja e pishinës.
Sidoqoftë, qeni tjetër, i quajtur Caiphirinha, menjëherë iu afrua pishinës dhe filloi të sillej rreth saj, duke u munduar që ta ndihmonte qenin e verbër.
Fillimisht, qeni mundohet ta kapë qenin e rënë në ujë për qafore, por pasi dështon, shkon nga ana tjetër e pishinës.
Disa sekonda më vonë, Caiphirinha arrin ta kapë për qafore qenin Luna dhe ta tërheqë nga uji.
Qeni që e ofroi ndihmën ishte shpëtuar nga pronarët e Lunas pasi e kishin marrë në shtëpi kur pronarët e tij e kishin hedhur nga dritarja e veturës në Brazil.
(Kosova Sot Online)