Mozzik falenderon Stresin: Zoti ta shpërbleftë tek nëna...

Një tjetër personazh publik që është prekur thellësisht nga kjo tragjedi ka qenë edhe këngëtari Arkimed Lushaj ose si njihet me emrin e artit, Stresi i cili ka treguar impenjim maksimal për të ndihmuar.

Stresi ka mbledhur shumë fonde dhe ndihma të cilat i ka dërguar personalisht në destinacion bashkë me miq të tij apo vullnetarë të tjerë dhe nuk ka dhuruar fonde diku tjetër.

Këngëtari bën vazhdimisht thirrje në video që publikon në Instagram se është mirë që çdo gjë të dorëzohet individualisht tek personat në nevojë sepse kjo është mënyra më e mirë për t’u bindur se ndihmat kanë shkuar në vendin e duhur.

Një përgëzim për nismën e ndërmarrë nga ana e Stresit ka ardhur nga Mozzik, i cili ka komentuar:

“Ta ndjej dhimbjen sepse shihesh që ke shpirt burri, i do njerëzit o vëlla! Zoti ta shpërbleftë në më të shtrenjtën që ke në jetë: Nënën!” Ky koment nuk mund ta linte indiferent Stresin, i cili e ka falenderuar kolegun për kontributin e menjëhershëm që dha për të prekurit nga tërmeti.

“Të jemi borxhli si komb që na ke ndihmu”, ka shkruar reperi, ndërsa e ka pranuar se e ka përjetuar shumë përfshirjen në historitë e secilit prej banorëve që ka takuar nga afër. 

(Kosova Sot Online)