“Dashuri dhe urrejtje”, Angelina Jolie nuk dëshiron që divorci me Brad Pitt të përfundojë, sepse…

  • G.G /
  • 27 August 2020 - 09:58
“Dashuri dhe urrejtje”, Angelina Jolie nuk dëshiron që divorci me Brad Pitt të përfundojë, sepse…

Angelina Jolie raportohet se ‘nuk dëshiron që divorci të përfundojë’ për shkak të ndjenjave ndaj ish-it të saj, raporton “Mirror”.

Divorci i Brad Pitt dhe Angelina Jolie ka tërhequr vëmendjen e të gjithëve. Asnjëri prej tyre nuk ka bërë një hap mbrapa në gjyq në lidhje me kujdestarinë e 6 fëmijëve, pasi të dy mendojnë se e meritojnë “fitoren”.

Nuk është për tu habitur që ata po luftojnë përballë njëri-tjetrit, duke pasur parasysh se sa e trazuar ishte marrëdhënia e tyre 12-vjeçare.

Nga dashuria që lindi gjatë xhirimeve të “Mr and Mrs Smith” deri tek Brad që u nda nga Jennifer Aniston dhe adoptoi djalin e Angelina-s, Maddox, romanca e tyre ishte e shpejtë dhe pasionante.

Një nga gjërat kryesore që e mbante marrëdhënien e tyre “në ajër” ishte tërheqja e fortë fizike.

“Edhe pse Brad është gjëja e fundit që dëshiron të mendojë kur bëhet fjalë për jetën e saj seksuale, Angelina thjesht nuk mund të bëjë asgjë tani, sepse ai ishte gjithçka për të,”- një burim i tha së fundmi “Hollywood Life”.
“Nuk ishte thjesht tërheqje e fortë fizike, ata kishin një lidhje shpirtërore,”- shtoi ai.

Thashethemet për një ndarje dolën në 2010 mes pretendimeve se ata po luftonin për fëmijët dhe për jetën që donin të jetonin.

“Brad dhe unë kemi problemet tona,”- i tha ajo me guxim “Telegraph” në atë kohë.

“Për të qenë të qartë: ne kemi probleme si çdo çift tjetër. Kemi ditë kur e çmendim njëri-tjetrin dhe duam hapësirë ,”- shtoi ajo.

“Fakti që Brad dhe Angelina u bashkuan nuk ishte kurrë befasi. Ata ishin ndoshta dy njerëzit më të bukur në botë dhe tërheqja ishte e menjëhershme,”- tha prodhuesi i filmit “Mr and Mrs Smith” për “Telegraph”.
Sipas “New York Post”, aktorja e ka të vështirë ta lërë Brad të shkojë për shkak të ndjenjave ‘dashuri-urrejtje’ për ish-in e saj.

“Në njëfarë mënyre ajo nuk dëshiron që divorci të përfundojë,”- tha burimi.
Sidoqoftë, një burim i afërt me Angelina-a theksoi se ishte ajo që bëri kërkesë për divorc, duke shtuar: “Askush më shumë se ajo nuk dëshiron që divorci të përfundojë”.

(Kosova Sot Online)