“Mezi po presim të jemi prindër”, Afërdita ndan emocionet e pritjes së ëmbël me këto fjalë krah Jakub

Një ditë më parë, Afërdita Dreshaj dhe partneri i saj, Jakub Kindl dhanë lajmin se shumë shpejt do të bëhen prindër me një djalë.

Pas festës për këtë pritje të ëmbël, Afërdita ka zgjedhur t’i falenderojë të gjithë për urimet, duke theksuar se ndihet shumë e lumtur që shumë shpejt ajo dhe Jakub do të mbajnë në krahë fëmijën e tyre të parë.

“Duam të marrim një moment për të falenderuar secilin prej jush për të gjitha mesazhet e bukura që kemi marrë. Jemi shumë të lumtur për këtë udhëtim të ri dhe akoma më të gëzuar që e ndajmë me ju. Mezi po presim të jemi prindër të të voglit tonë që është duke ardhur”, ka shkruar Dreshaj në postimin në ‘Instastory’, ku shfaqet duke shkëmbyer puthje me Jakub.

Kujtojmë se dyshja e dha lajmin me një video në ‘Instagram’, ku dukeshin qartazi emocionet e forta dhe gëzimi i madh i tyre.

1 / 1

(Kosova Sot Online)