“Gurbetqar”, kënga më e re nga Sabri Fejzullahu

Artisti i njohur i skenës shqiptare, Sabri Fejzullahu, ka prezantuar sonte projektin e ri muzikor.

“Gurbetqar” titullohet kënga e tij e re, e cila ashtu siç quhet i është dedikuar gurbetqarëve.

Tekstin dhe muzikën e ka realizuar Kreshnik Avdiu, teksa për orkestrimin është përkujdesur Artan Mezini.

Meqë jemi në fundvit, projekti i këngëtarit të mirënjohur u promovua në programet festive të Vitit të Ri.

Kënga njëherësh tanimë është lansuar në YouTube dhe besohet se do pritet mirë edhe nga publiku.

Përkundër viteve në skenë, Sabriu po vazhdon të admirohet për zërin e veçantë dhe projektet e njëpasnjëshme që po sjell.

(Kosova Sot Online)