Një goditje është gjithçka që të duhet: Përdoruesit e ‘FIFA 21’ tani mund të luajnë si Dua Lipa

  • G.G /
  • 13 November 2020 - 08:14
Një goditje është gjithçka që të duhet: Përdoruesit e ‘FIFA 21’ tani mund të luajnë si Dua Lipa

Përdoruesit e “FIFA 21” tani mund të luajnë si Dua Lipa, e cila është bërë pjesë e lojës së fundmi, sikundër na kishte paralajmëruar javë më parë.

Përveç saj, disa të famshëm të tjerë janë bashkuar me modalitetin ‘FIFA Volta’. Dua, e cila publikoi albumin e saj më të ri ‘Future Nostalgia’ këtë vit, tani paraqitet së bashku me Lewis Hamilton, David Beckham dhe DJ Snake.

Versioni i gjeneratës së ardhshme të FIFA 21 (PS5 dhe Xbox Series X) do të lançohet në 4 dhjetor, ndërsa edicioni i përmirësuar i PC do të vijë vitin e ardhshëm. Lojtarët që zotërojnë versione të gjeneratës aktuale të lojës gjithashtu do të kenë të drejtën e një abonimi falas të gjeneratës së ardhshme.

Ndërkohë, Dua Lipa do të mbajë më 27 nëntor koncertin e saj virtual në STUDIO 2054, nxitur nga kushtet e pandemisë dhe pas shtyrjes së turneut të saj.

Po ashtu, pritet të publikojë një bashkëpunim me Miley Cyrus dhe numërimi mbrapsh ka nisur tashmë.

(Kosova Sot Online)

Kosova gazeta sot Fifa dua lipa Kosovare loja perdorues