Almeda Abazi i bën këtë dedikim të ëmbël bashkëshortit të saj dhe ai iu përgjigj në shqip

Almeda Abazi dhe Tolgahan Sayisman janë një ndër çiftet më të dashur për publikun, të cilët së shpejti do të bëhen edhe prindër për herë të dytë.

Në rrjetet e tyre sociale e sidomos në Instagram, nuk mungojnë dedikimet e bukura për njëri-tjetrin, ashtu siç ishte dhe ai që bukuroshja shqiptare bëri mbrëmë.

Almeda publikoi në llogarinë e saj në Instagram një foto, ku shfaqej një luan dhe një luaneshë, të cilët kishin prekur kokat me njëri-tjetrin.

“Ne”, shkroi ajo krahas postimit shoqëruar me një ‘emoji’ zemre.

Ndërkohë, nuk ka munguar edhe komenti i bashkëshortit të saj, aktorit të njohur turk, Tolgahan-it, i cili ishte në shqip.

“Po”, shkroi ai, shoqëruar po ashtu me një ‘emoji’ zemre.

Përveç kësaj, Almeda publikoi në Instastory edhe një foto të vjetër të tyre, bardh e zi, të realizuar që në vitin 2015.

Duket se aktori po mëson çdo ditë e më shumë të komunikojë në gjuhën shqipe, dhe këtë e tregon herë pas here në rrjete sociale.

Almeda dhe Tolgahan u martuan në vitin 2017 dhe u bënë prindër për herë të parë rreth një vit më vonë, kur në jetë erdhi djali i tyre, të cilin e pagëzuan me emrin Efehan.

(Kosova Sot Online)