U infektua me Covid-19, Genc Prelvukaj përfundon në spital! Eni ndan video teksa i qëndron pranë!

Pak ditë më parë, reperi i njohur Genc Prelvukaj njoftoi ndjekësit në rrjete sociale se ishte infektuar me Covid-19.

Ai tregoi se pavarësisht se po ruhej prej një viti dhe kishte treguar shumë kujdes, nuk i kishte shpëtuar dot virusit.

Për gati një vit kujdes, masa mbrojtëse dhe shmangie sa më shumë nga kontaktet me njerëz, për fat të keq, pas disa shqetësimeve shëndetësore i jam nënshtruar testimit të Covid-19, me ç’rast kam rezultuar pozitiv.

Përkundër shqetësimeve jo të vogla shëndetësore, këtë betejë kam vendosur ta fitoj sa më parë.”- ka shkruar Genci.

Ndërkohë mbrëmjen e djeshme partnerja e tij këngëtarja Eni Koçi ka publikuar një Instastory ku shihen në spital dhe dora e Gencit në serum.

“Me dashurinë time. Do t’ia dalim!”, ka shkruar këngëtarja.

Nuk dihet se sa serioze mund të jetë gjendja e Gencit por urojmë ta kalojë sa më lehtë.

Pas infektimit të tij, gjithashtu Eni ka treguar eksperiencën e saj me Covid-19. Ajo ka publikuar rezultatin e testit, duke treguar se ka qenë e infektuar me virus tre muaj më parë.

Eni shkruan se fatmirësisht, Covid-19 e kaloi pa shqetësime.

“Për fatin tim të mirë, e kam kaluar virusin para tre muajve pa shqetësime serioze. Ju uroj shërim sa më të shpejtë të gjithëve që po e kaloni ndërkohë.”- shkruan këngëtarja.

(Kosova Sot Online)