Njihuni me kriminelin më të bukur në botë dhe historinë trishtuese të tij

  • E.K /
  • 08 January 2021 - 10:26
Njihuni me kriminelin më të bukur në botë dhe historinë trishtuese të tij

Që kur policia e Stockton, në Californi publikoi foton e tij në Facebook jeta e tij ndryshoi plotësisht.

Jeremy Meeks nga një person i arrestuar për armëmbajtje pa leje dhe grabitje është bërë një model dhe aktor dhe njihet si “krimineli më i bukur në botë”.

Ndryshe, në një rrëfim për jetën e tij, ai ka treguar edukimi i tij ishte vërtetë i keq dhe i vështirë nga një nënë e varur nga heroinë dhe një baba që ishte një vrasës i dënuar, si dhe në moshën 15-vjeçare përfundoi prapa hekurave.

“Kështu, fëmijëria ime ishte shumë, shumë e errët”, filloi Meeks intervistën e gjatë me gazetaren Chelsea Grayson, shkruan DailyMail.

“Të dy prindërit e mi ishin të varur nga heroina. Unë isha një fëmijë i rritur me heroinë”, vazhdoi ai rrëfimin e tij.

Meeks, i cili ishte një vendas i Uashingtonit ka rrëfyer se babai i tij vrau miken më të mirë të nënës së tij kur ishte nëntë muajsh sepse ‘ai po kërkonte një vend për ne dhe ajo ishte e vetmja që dinte se ku ishim ne’.Ai e kishte goditur me thikë për vdekje duke mos ditur që familja kishte marrë me qira apartamentin pikërisht mbi emrin e shoqes së nënës së tij.

Meeks tha se duhej të merrej me të gjitha tmerret më të këqija të jetës së heroinës: duke e ndihmuar atë me tërheqjet e tmerrshme, gjilpërat dhe të dashurat abuzive të [nënës së tij] që ishin të dhunshme për të dhe dy motrat e tij.

“Të rritesh në një familje me heroinë është vërtet e vështirë. Ju duhet të rriteni me të vërtetë shpejtë, të kujdeseni për veten tuaj dhe të sillni diçka në tryezë, në mënyrë që të gjithë të mund të hanë”, shtoi ai.

Ndërsa koha dhe dramat familjare luhateshin, motra e tij më e madhe kishte qenë mjaft e guximshme dhe ishte regjistruar në ushtri kur ishte 18 vjeçe. Por, brenda dy vjetësh, ajo u kthye dhe e adoptoi ligjërisht atë dhe vëllanë e tyre.

Meeks rrëfeu se ai ndjehej sikur ai gjithnjë kishte një pengesë për të marrë vendime të këqija dhe se ato vendime të këqija, së bashku me një paaftësi në të nxënë dije, e bënë të prekshëm nga jeta e bandës kur u transferua nga shteti i Uashingtonit në Los Angeles në klasën e gjashtë.

“Në një moshë të re, unë u vesha me kapuç dhe prej andej, u shpërngula nga shtëpia në moshën 15 vjeçe dhe isha në rrugë së bashku me bandat”, tha ai.

Po atë vit ai do të dërgohej në sallën e tij të parë për të mitur, do të qëllohej pesë herë dhe do të rrihej nga një anëtar i bandës me shkop bejsbolli menjëherë pas lirimit të tij.Në të gjitha këto, Meeks zbuloi se ai ka kaluar rreth 10 vjet e gjysmë pas hekurave në jetën e tij të re, dhe se përvoja ishte bërë edhe më e keqe sepse ai ishte i mënjanuar edhe për lëkurën e tij dhe ngjyrën e saj.

“Për shumicën e njerëzve me lëkurë të lehtë, ngjyra e të cilëve është mes të bardhës dhe të zezës është edhe më e vështirë”, tha ai, ndërsa gjithashtu përmendi se pamja e tij joshëse e bëri atë një shënjestër në burg.

Pamja e tij tërheqëse bëri që ai të fitojë zemrën e shumë femrave, në disa raste, edhe bujarinë e njerëzve në internet.

Si rezultat, ai filloi të merrte rreth 300 letra në ditë, disa fansa do t’i dërgonin para brenda librave dhe do të kishte interes të madh nga industria e modelimit.

Një gjyqtar u tregua i butë duke zbritur dënimin e tij në 27 muaj, në vend të 63 muajve të rekomanduar, në mënyrë që të mund të përfitonte nga fama e tij virale, gjë për të cilën Meeks është akoma mirënjohës edhe sot.

“E vetmja gjë që më shpëtoi, që ishte një bekim, ishte gjykatësi im. Ai më ndihmoi në shumë mënyra”, pranoi ai gjatë intervistës.

Pas disa goditjeve fillestare në ndjekjen e karrierës së tij të re, Meeks tani është një nga modelët më të famshme në botë.

Babai i tij përfundimisht u la i lirë nga burgu pasi mbajti 33 vjet, por Meeks duhet të mbajë një distancë të shëndetshme nga ai, duke e quajtur atë, ‘ende një pjesë të së kaluarës së hidhur’.

Në një rrëfim tjetër, ai tha se nëna e tij e ka marrë paksa veten duke përdorë ilaçet e forta për vite me radhë, megjithëse ajo pi duhan, por nga droga tashmë është e pastër.

Meeks ka dy djem: një me ish-gruan Melissa Meeks, me të cilën ishte i martuar nga viti 2008 deri në 2018, dhe një vajzë me trashëgimtarin e Topshop, Chloe Green. Ajo marrëdhënie përfundoi në gusht të vitit të kaluar pasi Green u fotografua duke u puthur me një burrë në një jaht në Mesdhe.

Meeks shpreson që karriera e tij e së ardhmes do të fokusohet në muzikë.

“Kur bëj muzikë dua të sigurohem që është një mesazh pozitiv, por akoma kam shumë rrugë. Është shumë e vështirë të gjesh ekuilibrin”, shpjegoi Jeremy Meeks.

(Kosova Sot Online)