“Sikleti” i Eurovision-it zë edhe Anxhela Peristerin, por ç’kuptim ka “Karma” e saj?
Këngëtarja e mirënjohur shqiptare, Anxhela Peristeri, do të jetë ajo që do të përfaqësojë Shqipërinë këtë vit në “Eurovision”.
Kënga që është përzgjedhur fituese në Festivalin e RTSh-së dhjetorin e vitit që lamë pas, mban titullin “Karma”, e cila do të prezantojë shtetin shqiptar në Festivalin Evropian.
Pak ditë më parë ajo ka publikuar videoklipin zyrtar për këngën ‘Karma” me të cilën do të prezantojë Shqipërinë në festivalin më të madhe evropian, “Eurovision”. Përveç videoklipit që është punuar me detaje, duket se Anxhela ka bërë disa ndryshime nga versioni i parë i këngës me të cilën u prezantua në “Festivalin e Këngës”. Versioni final duket akoma më i fuqishëm dhe është pëlqyer shumë nga fansat e festivalit, ndërsa këngëtarja ka vendosur që këngën ta mbajë në gjuhën shqipe.
Së fundmi, artistja ka dhënë një intervistë për mediat e huaja, në gjuhën angleze.
Përgjatë intervistës për “WiWibloggs”, këngëtarja po shpjegonte kuptimin e videoklipit dhë këngës së saj “Karma”, mirëpo një moment ajo nuk ka arritur që të gjejë fjalën e duhur në gjuhën angleze dhe këtë fjalë e ka shpjeguar në një mënyrë më të gjërë.
Kuptimi në shqip i fjalës “karma” është: Fati i mirë a i keq i dikujt që shihet si rezultat i një veprimi a disa veprave të tij.
Kujtojmë se vitet e kaluara këngëtaret Eneida Tarifa dhe Jonida Maliqi na përfaqësuan në “Eurovision” dhe në intervistat e dhëna nuk paraqitën aftësi shumë të mira në gjuhën angleze, dhe u komentuan masivisht në rrjete sociale.
(Kosova Sot Online)
