Filmoi porno në vullkanin e shenjtë Mount Batur, policia në kërkim të modeles ruse

Policia indoneziane po e kërkon modelen 22-vjeçare ruse dhe yllin e TikTokut, që filmoi porno në vullkanin e shenjtë të Bali, Mount Batur.

Policia e Balit po kërkon për një modele ruse, e cila u bë viral pasi filmoi një video porno në Mount Batur, një vullkan në “Ishullin e Perëndive” të Indonezisë.

Videoja është shikuar nga më shumë se 1.2 milion njerëz para se të fshihej.

E quajtur nga media të ndryshme si Veronika Troshina, aktorja, e cila mban emrin Mihanika69 në internet, zgjodhi një nga vendet më të shenjta të vendit për videon e saj, të filmuar me një mashkull.

Ajo ka shkaktuar zemërim në ishullin Bali, një vend i njohur për turistët rusë.

Nëse ajo është ende në ishull dhe gjendet nga forcat e rendit, Troshina dhe partneri i saj mund të përballen me dy vjet e tetë muaj burg për sjellje të pahijshme në publik.

Troshina, llogaria e të cilës në Instagram është kyçur tani, ka 259,500 ndjekës në TikTok dhe 552,000 abonentë në PornHub.

“Oficeri ynë gjeti vendndodhjen, saktësisht përgjatë shtegut të Mount Batur, pak mbi tempullin Pasar Agung”, tha shefi i zonës Bangli I Gusti Agung Dhana Aryawan javën e kaluar.

“Ne jemi duke u koordinuar me imigracionin për të zbuluar nëse njerëzit në fjalë janë apo jo ende në Bali”, shtoi ai.

Sjellja e gabuar duke e vizituar turistët rregullisht bën tituj në Bali.

Në fillim të këtij viti, një tjetër ruse, influencuesja Sergey Kosenko, u dëbua nga ishulli pasi mbajti një ndejë në shkelje të rregullave anti-COVID-19.

Në gusht të vitit 2020, departamenti i Ligjit dhe të Drejtave të Njeriut në Bali zbuloi se 59 persona nga 29 vende u larguan me forcë nga ishulli në gjysmën e parë të vitit, 10 prej tyre rusë. 

(Kosova Sot Online)