JLo dhe Rita në bisedime për bashkëpunim në muzikë dhe film të ri

  • G.G /
  • 12 qershor 2021 - 13:20
JLo dhe Rita në bisedime për bashkëpunim në muzikë dhe film të ri

JLo dhe Rita pritet të bashkëpunojnë në muzikë e film.

Dy yjet e pop-it, po bëjnë plane për të marrë përsipër botën e shoubizit, shkruan The Sun.

Superylli amerikan Jennifer Lopez dhe talentja shqiptare Rita Ora janë në diskutime për të bashkuar forcat.

Gratë u takuan në fshehtësi në Los Anxhelos javën e kaluar dhe diskutuan planet për të ardhmen, duke përfshirë jo vetëm këngë të re por edhe mundësinë e punës për një film së bashku.

Një burim tha: “Jennifer është një fanse e madhe e Ritës dhe anasjelltas”.

“Ato kanë dashur prej kohësh të bashkohen dhe më në fund oraret e tyre u rreshtuan pasi Rita kishte mbaruar xhirimet e The Voice në Australi”, shtoi ai.

“JLo dhe Rita u takuan në Soho House në LA dhe kaluan disa orë duke folur për atë që ata mund të bënin së bashku. Asgjë nuk ishte jashtë kufijve dhe ato folën për muzikën dhe filmat. Trajektorja e karrierës së JLo është diçka që Rita dëshiron shumë të imitojë”, deklaron burimi.

“Ajo filloi në muzikë si JLo, para se të degëzohej në filma dhe TV. Kishte një ndjenjë të vërtetë të një vlerësimi të ndërsjellë midis grave dhe nëse ato arrijnë të punojnë së bashku për një këngë ose film, do të jetë e pabesueshme”, thotë ai.

Rita nuk ka fshehur se sa është fanse e Jennifer Lopez.

Duke folur në vitin 2018, Rita tha për yllin Get Right: “Zgjodha të bëj gjëra të shumta si TV dhe filma. Tani nuk mund të kthehem. Në të vërtetë më pëlqen. Një nga inspirimet e mia më të mëdha është Jennifer Lopez”.

“Ajo është me të vërtetë shumë punëtore. E shoh se sa shumë bën dhe unë jam si ‘Unë dua ta bëj atë’, deklaroi ajo.

Rita ishte besnike ndaj fjalës së saj dhe ka provuar të jetë një sukses i madh, jo vetëm në muzikë por edhe në arka filmike.

Ajo do të kthehet në panelin gjykues në ITV  tek “The Masked Singer” më vonë këtë vit.

(Kosova Sot Online)