Lexoni edhe:
Vazhdon vozitja e “çmendur” nëpër rrugët e Shqipërisë, kosovari kapet në radar me shpejtësi 191km/h
Genc Prelvukaj reagon ashpër ndaj dy qytetarëvë që kaluan shpejtësinë e lejuar
Këngëtari i njohur Genc Prelvukaj ditën e sotme ka bërë një deklaratë lidhur me dy qytetarë nga Kosova të cilët po i jepnin makinës me shpejtësi të lartë.
Ata ishin gjobitur nga qeveria e Shqipërisë pasi po lëviznin me 230km në orë.
Përmes një statusi në “Facebook”, artisti është shprehur se këto dy persona duhet të dërgohen për kontroll mjekësor, të shikohet nëse janë normalë.
“Këta duhet fillimisht të dërgohen në kontroll mjekësore pastaj nëse rezultojnë normal të hapet proces gjyqësor dhe të zbatohen dënimet maksimale. Dy mije e treqind janë shumë pak. I japin makinës (të cilat i paskan marrë me rent) 230km në orë, në rrugë të kufizuara në 80 km. Shpërfillin policinë e Shqipërisë duke ikur dhe mos ndaluar. Rrezikojnë për vdekje njerëz tjerë”, është shprehur ai.
“Ironia është që shoferët ishin shqiptarë të Kosovës, rreth të dyzetave, me banim të përhershëm në Zvicër, të cilët i nënshtrohen me perpikmeri rregullave atje. Rruga e tyre për të ardhur bie nga Serbia ose Mali i Zi. Të provojnë t’i japin makinës atje në këtë mënyrë dhe të ikin nga kontrolli i policisë! Turp i madh. Nderojnë rregullat e shteteve të huaja, ndër ta edhe të shteteve me armiqësi ndaj nesh dhe poshtërojnë uniformën e Shqipërisë dhe Kosovës, shtete prej nga janë me origjinë. Plus rrezikojnë fëmijët, gratë e burrat e gjakut të tyre”, thotë Prelvukaj.
(Kosova Sot Online)
