Ndërron jetë në moshën 39-vjeçare ylli i “Girls Aloud”! Shkak u bë…

Ylli i grupit të famshëm “Girls Aloud”, Sarah Harding, ka ndërruar jetë në moshën 39-vjeçare. Lajmin e ka bërë të ditur sot nëna e saj.

Këngëtarja kishte njoftuar se ishte diagnostikuar me kancer të gjirit në stad të avancuar në gusht të vitit të kaluar, duke shtuar se sëmundja ishte përhapur në pjesë të tjera të trupit të saj, shkruan “BBC”.

Në Instagram, nëna e saj, Marie, shkroi:

“Me hidhërim të thellë sot po ndaj lajmin se vajza ime e bukur Sarah ka ndërruar jetë për fat të keq. Shumë prej jush e dinë për betejën e Sarah-s me kancerin dhe se ajo luftoi aq fort që nga diagnoza e saj deri në ditën e saj të fundit. Ajo u largua në mënyrë paqësore këtë mëngjes.

Dua t’i falënderoj të gjithë për mbështetjen e tyre të madhe gjatë vitit të kaluar. Kjo do të thoshte shumë për Sarah-n dhe i dha asaj forcë dhe rehati të madhe të dinte se ajo ishte e dashur. Unë e di që ajo nuk do të dojë të mbahet mend për luftën e saj kundër kësaj sëmundjeje të tmerrshme’, ajo ishte një yll i ndritshëm dhe shpresoj se ajo mund të mbahet mend si e tillë“.

Në mars të këtij viti, Sarah publikoi autobiografinë e saj, “Hear Me Out”, duke shpjeguar se kishte vendosur të fliste publikisht për sëmundjen për të ndihmuar të tjerët që mund të stepeshin për të shkuar te mjeku, veçanërisht gjatë pandemisë COVID-19.

“Sado e frikshme ishte që ta bëja publike diagnozën time, ishte gjëja e duhur për t’u bërë dhe mbështetja që kam marrë është e jashtëzakonshme. Jam mbushur me mesazhe të bukura nga fansat e mi. Unë jam mirënjohëse përtej fjalëve“, – tha Sarah muaj më parë.

Këngëtarja u bë e famshme me grupin “Girls Aloud” në vitin 2002, së bashku me Cheryl, Nadine Coyle, Nicola Roberts dhe Kimberley Walsh.

Grupi arriti në numrin një atë vit me këngën debutuese, “Sound Of The Underground”, dhe vazhdoi të bëhej një nga grupet pop më të suksesshme në historinë e muzikës britanike.

Përveç suksesit të saj muzikor, Sarah pati një karrierë të larmishme në aktrim dhe televizion.

(Kosova Sot Online)