Travis Scott nuk po e merr veten pas vdekjeve në koncertin e tij!

  • G.G /
  • 17 November 2021 - 14:51
Travis Scott nuk po e merr veten pas vdekjeve në koncertin e tij!

Deri tani janë të paktën dhjetë persona që humbën jetën dhe shumë e shumë të tjerë ende në spital prej situatës të pashpjegueshme që u krijua gjatë koncertit në “Astroworld Festival” në Hjuston.

Që nga ajo ditë, reperi i njohur Travis Scott nuk e ka marrë akoma veten emocionalisht, të paktën kështu thonë burime të afërta pranë tij. Mbështetja kryesore është Kylie Jenner e cila po e mbështet shumë.

“Gjatë gjithë hetimit, Scott ka qenë në një gjendje ‘shoku’, ndërkohë mbetet i përfshirë në përpjekjet e vazhdueshme për të pasur komunikim me familjet e të prekurve nga incidenti. Kylie e di se sa shumë do të thotë për Travis të performosh dhe të dalësh para fansave të tij, kështu që kur e sheh atë në këtë gjendje teksa lajmet dhe proceset gjyqësore vazhdojnë është shumë e vështirë”, janë shprehur burimet.

Pak ditë më parë është shënuar edhe viktima më e re në moshë nga tragjedia e festivalit “Astroworld”, Djali 9-vjeçar ishte në gjendje kome për shkak se u shkel me këmbë gjatë lëvizjeve të turmës.

(Kosova Sot Online)