Albumi i Adele më i shituri në tregun amerikan dhe britanik

  • A.P /
  • 28 November 2021 - 09:53
Albumi i Adele më i shituri në tregun amerikan dhe britanik

Albumi me titullin “30” i këngëtares britanike është albumi më shpejt i shitur për vitin 2021. Adele e publikojë albumin në 19 nëntor. Sipas “CNN” ajo ka shitur deri tani 660,000 kopje në tregun amerikan, ndërsa në javën e parë të lançimit 261,000 kopje vetëm në Mbretërinë e Bashkuar. Kënga më e njohur e albumit “Easy on Me” mban vendin e parë në renditje prej 3 javësh në billbordet britanike.

Adele është këngëtarja e vetme femër që ka pasur 4 albume të suksesshme radhazi. Albumi i shitur më shpejt i këngëtares nuk është ky aktuali, por ai i publikuar në vitin 2015. Ajo shiti 800,000 kopje në Mbretërinë e Bashkuar dhe 3.3 milion në SHBA.

Albumi pritet të mbajë vendin e parë në renditjet amerikane pas publikimit të këngëve. Ndërsa kënga “Easy on Me” mban vendin e parë si më e dëgjuara në SHBA. Albumi është mirëpritur nga mbarë kritika botërore. Adele deklaroi që albumin e krijoi që ti shpjegonte situatën e divorcit djalit të saj dhe që ishte afër zemrës së saj.
 

Image

(Kosova Sot Online)