Beniada kishte luajtur rolin e të dashurës së Berlusconit në një film të regjisorit të njohur

E njohim vetëm si modele, por Beniada edhe ka aktruar në Itali, e madje në një film të regjisorit të njohur Paolo Sorrentino. Aty, ajo intepretonte një prej vajzave të shumta të “kavaljerit”, sic njihej ndryshe.

Roli ishte episodik, megjithatë Beniada tërhoqi vëmendje e dha edhe një intervistë për mediat italiane në vitin 2018, fill pas daljes së filmit “Loro”.

Lexoni edhe:

Si e përjetoi Megan Fox propozimin e partnerit?

Filmi fokusohet tek grupi I biznesmenëve dhe politikanëve – Loro (Ata)– që jetojnë dhe veprojnë pranë manjatit dhe politikanit të medias Silvio Berlusconi. Sergio Morra është një biznesmen i ri nga Taranto, i cili menaxhon trafikimin në shkallë të vogël të eskortave të tij, të cilat i përdor për të korruptuar politikanë vendas. Pikërisht rolin e njërës prej femrave të shumta të ish-kryeministrit të Italisë e luan Beniada, e cila është pjesë e trajlerit zyrtar.

“Ishte shumë rastësor pasi mora pjesë falë fjalëve të një miku, në një nga cast-et e shumta që u bënë nëpër Itali. Pak për argëtim, pak si sfidë personale, vendosa të marr pjesë. Pas disa provave me skenarë të ndryshëm, arrita të realizoj një nga ëndrrat e mia më të mëdha. Paolo Sorrentino ma dha disa këshilla se si të interpretoja sa më mirë rolin tim. Ai ishte trajneri im i vërtetë në set Në film luaj një nga femrat e Berlusconit. Një vajzë e re që dëshiron të hedhë hapat e saj në këtë botë dritash, ëndrrash dhe shpresash”, thoshte ajo në intervistë kur u pyet sesi lindi bashkëpunimi me Sorrentinon.

(Kosova Sot Online)