Kim dhe i dashuri i ri fotografohen për herë të parë në momente intime

Ndërsa po vazhdojnë postimet e Kanye West në Instagram, marrëdhënia e Kim Kardashian dhe Pete Davidson po bëhet më e fortë.

Themeluesi i Skims, 41 vjeç, dhe ylli i “Saturday Night Live”, 28 vjeç, u panë duke ndarë një puthje të ëmbël ndërsa dilnin për darkë në qytetin e New York të dielën (14 shkurt).

Lexoni edhe:

Këtë dhuratë Adelina Tahiri e pranoi dje nga bashkëshorti i saj

Kjo është hera e parë që çifti është fotografuar publikisht duke ndarë një puthje intime që kur ata filluan të takoheshin në tetor 2021.

Çifti më i ri i Hollywoodit doli nga makina e tyre të kapur për dore, ndërsa në anën tjetër Kanye West ka postuar imazhin e dyshjes në llogarinë e tij në Insatagram pikërisht për Shën Valentin.

I penduar me veprim e bërë, “Ye” më pas ka fshirë të gjitha postimet, duke lënë vetëm paralajmërimin e albumit të tij “Donada 2” dhe një tjetër të Kim dhe fëmijëve të tyre ku ai i lutet Zotit që familja e tyre të bashkohet përsëri.

Ndërkohë, Davidson e quajti Kardashian “të dashurën” e tij për herë të parë në një intervistë që dha në fillim të këtij muaji, duke konfirmuar kështu marrëdhënien e tyre mjaft të përfolur.

(Kosova Sot Online)